Elektronika və proqram təminatı sahəsində ixtisaslaşmış mütəxəssis kimi embedded sistemlər, mikrokontroller proqramlaşdırması və real vaxt əsaslı rabitə protokolları üzərində geniş təcrübəyə malikəm. İllər ərzində Arduino (AVR),  STM32 (ARM Cortex-M), ESP və.s. mikrokontrollerlər ilə çalışaraq müxtəlif tipli sensor və aktuatorlarla işləyən funksional cihazlar hazırlamışam. Bu sistemlərdə UART, SPI, I2C və RS-485, CAN bus və.s kimi əlaqə protokollarından səmərəli şəkildə istifadə edirəm.

Əlaqəli texnologiyalar çərçivəsində GSM və GPS modulları, MQTT əsaslı IoT rabitəsi, müxtəlif sensor və aktuator inteqrasiyası ilə real vaxtda məlumat toplama və uzaqdan idarəetmə sistemləri qururam. Hər bir elektronik layihə üçün dövrə sxemləri hazırlayır və Altium Designer, KiCad,  EasyEDA və.s kimi proqramlardan istifadə edərək peşəkar PCB dizaynları edirəm. Dövrələrin ilkin sınaqları üçün Proteus və Multisim simulyasiya mühitlərindən istifadə edir, mexaniki strukturlar və cihaz korpuslarını isə 3D çap texnologiyası ilə hazırlayıram .

Raspberry Pi, Orange Pi və Armbian kimi Linux əsaslı sistemlər üzərində işləyir, bu platformalarda cihazların konfiqurasiyası, paketlərin quraşdırılması, şəbəkə ayarlarının aparılması və GPIO pinləri üzərindən sensor/aktuatorların idarə olunması üzrə təcrübəyə malikəm. Həmçinin bu sistemlərdə Python və digər dillərdən istifadə edərək tətbiqlər hazırlayır, UART, I²C, SPI və digər interfeyslərlə cihazlar arasında məlumat mübadiləsini həyata keçirirəm.

Proqram təminatı sahəsində Python dilində müxtəlif məqsədli desktop tətbiqləri (proektə uyğun xüsusi komputer proqramları) hazırlayıram və bu tətbiqləri Arduino və digər cihazlarla serial (UART) əsaslı qarşılıqlı əlaqə üçün optimallaşdırıram. Bu sistemlər üzərindən cihazın real vaxtda idarəsi və məlumat vizuallaşdırılması təmin olunur.

Bundan əlavə, Node.js platformasında MQTT broker və klient tətbiqləri yazaraq IoT sistemlərinin arxitekturasını qururam. Bu sistemlərdə WebSocket texnologiyası ilə real-time məlumat axını və istifadəçi interfeysləri üçün MongoDB verilənlər bazası inteqrasiyası da həyata keçirirəm.

Frontend səviyyəsində HTML, CSS və JavaScript üzrə əsas anlayışlara sahibəm və bu biliklərdən interfeyslərin hazırlanması dashboardların vizual qurulmasında istifadə edirəm.

Mobil tərəfdə isə Kotlin və Flutter dilləri ilə Android tətbiqləri hazırlayacaq qədər biliklərə malikəm. Bu tətbiqlər vasitəsilə Arduino və digər sensor əsaslı sistemlərdən məlumat oxunması və idarəetmə funksiyalarını mobil platformaya daşıyıram. Beləliklə, istifadəçilər cihazlara mobil telefon üzərindən sürətli və rahat şəkildə müdaxilə edə bilirlər.