Hesabın silinməsi

Bu səhifə Embedded.az mobil tətbiqi və embedded.az saytları üçün ortaq olan hesabın necə silinəcəyini izah edir. Hesab hamısı üçün birdir — silindikdə hər yerdən silinir.

Son yenilənmə: 22 sentyabr 2026

Üç yol var

Hesabı tətbiqdən, saytdan və ya (hesabına daxil ola bilmirsənsə) e-poçt göndərərək sildirə bilərsən. Silmə dərhal icra olunur və geri qaytarılmır.

1. Tətbiqdən

Embedded.az tətbiqində «Hesab» bölməsini aç.
«Ayarlar»-a keç.
Ən aşağıda «Hesabı sil» seçimini seç.
Kimliyini təsdiqlə: şifrəsi olan hesablarda cari şifrəni yaz; yalnız Google ilə daxil olan hesablarda Google ilə yenidən daxil ol.

2. Saytdan

https://auth.embedded.az/az/danger ünvanını aç və hesabına daxil ol.
«Hesabı sil» düyməsini bas və kimliyini təsdiqlə.

3. Hesabına daxil ola bilmirsənsə

Qeydiyyatdan keçdiyin e-poçt ünvanından [email protected] ünvanına «Hesabın silinməsi» mövzusu ilə yaz.
E-poçtun hesabdakı ilə eyni olduğunu yoxlayıb hesabını 5 iş günü ərzində silir və sənə cavab yazırıq.

Nə silinir

Silmə dərhal icra olunur və geri qaytarılmır.
Hesab, bağlı giriş üsulları (şifrə, Google) və bütün cihazlardakı sessiyalar.
Profil şəkli və istifadəçi adı.
Bildiriş cihazları, bildiriş ayarları və tarixçəsi.
Mağaza, dərslər, xallar, paylaşımlar və kabinet xidmətlərindəki məlumatların — silinir və ya anonimləşdirilir. Yazdığın rəylər və şərhlər kimin yazdığını göstərməyən formaya keçir.

Nə saxlanılır

Kabinetdə (təmir və xidmət işləri) hər iki tərəfin təsdiqlədiyi pul qeydləri iki tərəfin razılaşdığı sənəd kimi qalır, lakin onlardan şəxsi məlumatlar (ad, telefon) silinir.
Sifariş və qaimə sənədləri mühasibat qanunvericiliyinin tələb etdiyi müddət ərzində saxlanıla bilər — şəxsi məlumatlar anonimləşdirilir.
Şifrələnmiş ehtiyat nüsxələr 30 gün saxlanılır, sonra avtomatik silinir.

Sualın var?

Silmə ilə bağlı hər hansı sualı [email protected] ünvanına yaz və ya əlaqə səhifəsindən müraciət et.

Əlaqə