PCB Dizaynı və Dövrə Sxemi

PCB dizaynı sxemin çəkilməsi ilə bitmir — platanın real dünyada işləməsi layout-dan asılıdır. Qidalanma qatlarının bölünməsi, torpaqlama, yüksək sürətli xətlərin uzunluq uyğunluğu və komponentlərin yerləşməsi sonradan düzəldilmir; onlar ya əvvəldən düzgün qurulur, ya da plata istehsaldan sonra problem verir.

İşi KiCad və Altium-da aparırıq. Sxem hazırlananda komponent seçimi tədarük vəziyyətinə görə edilir — kağızda mükəmməl olan, amma bazarda tapılmayan hissə layihəni dayandırır. Layout mərhələsində signal integrity, EMC hazırlığı və DFM (istehsala uyğunluq) yoxlanılır, çünki zavod bir qayda pozuntusuna görə partiyanı geri qaytara bilir.

Sıfırdan dizayn qədər tez-tez rast gəlinən başqa iş: mövcud platanın yenidən çəkilməsi. Komponent istehsaldan çıxıb, ölçü dəyişməli, yaxud köhnə dizaynda daimi nasazlıq var — belə hallarda mövcud sxemi əsas götürüb yeni versiya qururuq.