Lift təmiri: idarəetmə platası, çağırış paneli, frekans çevirici, qapı operatoru. Eskalator idarə blokları — komponent səviyyəsində plata təmiri.
Sifariş
Cihazın marka və modelini yazın, nasazlığı qısa izah edin. Ən faydalısı videodur — nasazlığı çəkin. Platanın aydın şəkilləri də kömək edir.
Lift təmiri — idarəetmə platası, çağırış paneli, frekans çevirici (invertor), qapı operatoru və təhlükəsizlik zənciri elektronikası. Eskalator idarə blokları. Komponent səviyyəsində plata təmiri: Otis, Kone, Schindler, ThyssenKrupp, Monarch, Arkel, Fermator.
Bəzi hallarda bərpa mümkün olmur: mikrosxem istehsaldan çıxıb və ehtiyat hissəsi tapılmır, donor plata yoxdur, plata yanğın və ya su nəticəsində ağır zədələnib, yaxud əvvəlki uğursuz müdaxilələr onu bərpa oluna bilməz hala salıb. Belə hallarda vəziyyəti olduğu kimi izah edirik və mümkünsə alternativ yol təklif edirik.
Lift dayananda binada həyat dayanır — bu qrupda diaqnostika növbədənkənar aparılır. Nasazlıqların böyük hissəsi mexanikada deyil, elektronikadadır: idarəetmə platası, frekans çevirici, qapı operatoru və ya çağırış paneli.
Ən çox rast gəlinən hal frekans çeviricinin (invertorun) xəta verməsidir — lift işə düşmür, səviyyə tutmur və ya sarsıntı ilə hərəkət edir. Belə hallarda güc modulu, sürücü dövrəsi və enkoder girişi yoxlanılır.
İkinci qrup qapı ilə bağlıdır: qapı operatorunun platası, fotoelement və konsollar. Qapı yarıda dayanırsa və ya açılmırsa, çox vaxt problem mexanikada deyil, operator platasındadır.
Çağırış panelləri və mərtəbə göstəriciləri ayrıca bərpa olunur — düymələr işləmir, seqmentlər sönür, kommunikasiya itir. Köhnə liftlərdə bu panellərin yenisi tapılmır, ona görə təmir yeganə real variantdır.
Bina idarəetməsi və servis şirkətləri ilə işləyirik. Blokları yerində çıxarıb emalatxanada bərpa etmək və ya yerində diaqnostika aparmaq mümkündür.
Elektronika ustası və ya plata ustası axtarırsınızsa — bu iş komponent səviyyəsində aparılır: nasazlıq bloku deyil, konkret komponenti dəyişməklə həll olunur.
WhatsApp və ya Telegram üzərindən nasazlığı bizə danışın. Göndərdiyiniz məlumatı dəyərləndirib cihazın bizim profilimizə uyğun olub-olmadığını bildiririk.
Cihazı qəbul edəcəyiksə, bunu əvvəlcədən təsdiqləyirik — təsdiq almadan cihaz göndərilməməlidir. Cihaz bizə çatdıqdan sonra ən geci 48 saat (iki iş günü) ərzində diaqnostika aparılır.
Nasazlığın səbəbi, təxmini xərc, ehtiyat hissənin mövcudluğu və müddət barədə hesabat təqdim olunur. İşə yalnız siz razılıq bildirdikdən sonra başlanılır.
Təmirdən sonra cihaz minimum 24 saat yük altında sınaqdan keçirilir. Sabit işlədiyi təsdiqləndikdən sonra nəticə barədə məlumat verilir və cihaz təhvil olunur.
Diaqnostika ödənişlidir — platanın mürəkkəbliyindən asılı olaraq 10–50 AZN. Təmiri bizə həvalə etsəniz, bu məbləğ yekun qiymətdən çıxılır. Dəqiq təmir qiyməti yalnız diaqnostikadan sonra bildirilir və işə başlamazdan əvvəl sizinlə razılaşdırılır.
Diaqnostika qiyməti haqqında ətraflıWhatsApp və ya Telegram üzərindən cihazın MARKA və MODELİNİ yazın, problemi mümkün qədər geniş izah edin. Ən faydalısı VİDEO-dur: nasazlığı çəkin və nə baş verdiyini öz sözlərinizlə ətraflı danışın. Bundan əlavə cihazın və varsa dövrə kartının (platanın) müxtəlif istiqamətlərdən aydın şəkillərini göndərin. Nə qədər çox detal versəniz, cavab bir o qədər dəqiq və sürətli olar.
