Anthropic-in Claude modeli kriptoqrafiya icmasında 25 ildir müzakirə olunan ECDSA əyrilərinin mənşə sirrini cəmi yarım saata həll edib. Söhbət NIST tərəfindən 2000-ci ildə standartlaşdırılmış elliptic curve dəstinin (P-192, P-224, P-256, P-384, P-521) “seed” parametrlərindən gedir. Bu 160-bit-lik ədədlər vaxtilə NSA tərəfindən heç bir izah verilmədən təqdim olunduğu üçün illərlə arxa qapı şübhələri vardı.
Claude-un tapıntısı: bu seed dəyərləri heç bir sirli passphrase hash-i deyil, sadəcə 1990-cı illərin C kitabxanalarındakı lrand48 psevdotəsadüfi ədəd generatorunun çıxışıdır. RNG Unix timestamp ilə srand48() vasitəsilə seed edilib, sonra hər əyri üçün 20 baytlıq namizədlər ardıcıl götürülüb; məsələn, P-256 üçün standart seed alınana qədər 1 842 iterasiya lazım olub.
ECDSA elliptik əyrilər üçün seed parametrlərini göstərən cədvəl — Şəkil: Anthropic
Texniki detal və təhlükəsizlik təsiri
Anthropic-in texniki hesabatına görə Claude əvvəlcə seed massivlərini bit-bit sürüşdürərək müxtəlif 1990-cı illərin PRNG-lərinin ardıcıl çıxışlarını axtarıb. Bir neçə seed üçün 32-bit sözlərin ən yuxarı bitlərinin hamısının 0 olması lrand48 üçün xarakterik imza kimi seçilib. Daha sonra model gizli 17 biti brut-forse edərək 48-bit daxili vəziyyəti bərpa edib və bütün 160-bit seed dəyərlərini yenidən generasiya etməklə təsdiqləyib.
Başqa əyrilər üçün kəsilmiş çıxışlardan LLL (Lenstra–Lenstra–Lovász) lattice alqoritmi ilə PRNG vəziyyəti bərpa olunub. Hər on prime-curve seed üçün srand48 başlanğıc vəziyyəti 1997–1998 arası Unix timestamp-lərinə uyğun gəlib.
Psevdotəsadüfi generatorun daxili vəziyyəti və seed-in çıxarılması sxemi — Şəkil: Anthropic
Anthropic açıq şəkildə bildirir: bu, heç bir yeni hücum və ya zəiflik deyil. Əksinə, parametr seçiminin sadə, təkrar istehsal oluna bilən üsulla edildiyi indi göstərildiyi üçün ECDSA əyrilərinə inam artır.
Kripto bazarı niyə reaksiya vermədi?
Xəbərdən sonra əsas kriptovalyuta və DeFi bazarlarında nəzərəçarpan hərəkət olmayıb. Səbəb sadədir:
- ECDSA-nın öz kriptoqrafik gücü dəyişmir;
- Nə Bitcoin, nə də digər layihələr üçün dərhal upgrade ehtiyacı yaranmayıb;
- İllərdir aparılan təhlillər bu əyrilərdə praktik zəiflik tapmamışdı.
Beləliklə, hadisə daha çox kriptoqrafiya tarixi tapmacasının həlli və AI modellərinin tədqiqat aləti kimi gücünün nümayişi kimi qiymətləndirilir, nəinki bazar risk faktoru kimi.
Mənbə: Anthropic, Gündəm · investing.com · Üz şəkli: Anthropic
