Milyardlarla qurğuda işləyən SQLite bu gün yeni 3.54.0 versiyasını yayıb. Bu buraxılış xüsusilə komanda sətri interfeysi (sqlite3 CLI) və sorğu planlayıcısı üzərində ciddi yeniliklər gətirir, həmçinin köhnə Windows XP dəstəyini rəsmən dayandırır.
Əsas yeniliklər
SQLite 3.54.0-ın mərkəzində CLI alətinin gücləndirilməsi dayanır:
sqlite3üçün daha çevik çıxış formatlama və idarəetmə- Yeni
.diskusedkomandası – verilənlər bazasının disk istifadəsini təhlil edir - Köhnə
sqlite3_analyzerutiliti son dəfə bu buraxılışa daxildir və artıq köhnəlmiş sayılır - Sorğu planlayıcı üçün optimallaşdırmalar və ümumi performans artımı
.diskused əslində sqlite3_analyzer-in funksionallığını birbaşa CLI-ə daşıyır. Bu, embedded layihələrdə ayrıca utilit daşımaq ehtiyacını azaldır.
Windows XP dövrünün sonu
Bu versiyadan etibarən SQLite artıq Windows Vista-dan əvvəlki sistemlərdə kompilyasiya olunmur. Səbəb – daha sürətli Slim Reader/Writer Lock (SRWL) mexanizminə keçiddir ki, bu da Windows XP və daha köhnə versiyalarda mövcud deyil.
Bu dəyişiklik, hələ də XP kimi sistemlərdə çalışan köhnə embedded tətbiqlərin 3.54.0-a birbaşa keçə bilməyəcəyi deməkdir. Belə sistemlərdə ya əvvəlki SQLite versiyalarında qalmaq, ya da OS-i yeniləmək tələb olunur.
SQLite komandası həmçinin son buraxılışlarda çoxlu AI tərəfindən aşkar edilmiş xətaların aradan qaldırıldığını vurğulayır. Bu, kiçik MCU-lardan tutmuş Raspberry Pi, Linux gateway-lərə qədər hər yerdə istifadə olunan bu embedded verilənlər bazasının sabitliyini daha da artırır.
