Baykar İdarə Heyətinin sədri Selçuk Bayraktar sosial şəbəkə hesabında Bayraktar AKINCI pilotsuz uçuş aparatının sursat atış sınaqlarına aid görüntüləri yayımlayıb. Məlumata görə, Baykar və ROKETSAN əməkdaşlığı çərçivəsində aparılan işlər zamanı AKINCI platformasından əvvəlcə iki ədəd MAM-L sursatı, daha sonra isə bir ədəd avtonom LAÇİN TV sursatı buraxılıb. Sursatların hamısı hədəfləri "tam dəqiqliklə" vuraraq sınaqları uğurla başa vurub.
ROKETSAN baş direktoru Murat İkinci paylaşımında qeyd edib ki, AKINCI platformasından həyata keçirilən atışlarda MAM-L hədəfini tam dəqiqliklə vurub, LAÇİN isə ilk dəfə TV axtarıcı başlıqla avtonom hədəf seçmə qabiliyyətini uğurla nümayiş etdirib.
Müxtəlif sursatlarla təchiz edilmiş Bayraktar AKINCI döyüş PUA-sının havadakı təsviri — Şəkil: ArmyInForm / Wikimedia Commons, CC BY 4.0
Mənbə: AA Bilim-Teknoloji
